مشاركة رقم : 1 (permalink)   10-12-2007, 02:09 PM AnaS مشرف بقعة ضوء رقم العضوية : 2011 تاريخ التسجيل : Jun 2007 الدولة : دمشق العمر : 21 المشاركات : 1,185 بمعدل : 2.11 يوميا الجنس : على النت: 2004 المؤهل الدراسي : جامعة محاسبة ومسك دفاتر سنــــ1ـــة الجوال : jas jam المنتدى : بقعة ضوء هدايا الحكومة بمناسبة السنة الجديدة !!!! مع قدوم سنة 2008 نطرح هذا الموضوع لن يأتي بابا نويل هذه السنة كعادته حاملاً كيسه المخملي الأحمر المليء بالهدايا التي كنا نقضي نهارنا وليلنا ونحن نحلم بها.....ولن يوقظنا بجرسه الظريف الذي كان يرمز للفرح ولبداية سنة جديدة (( ومنورة))....لن يأتي (( مو لأنو ما بدو يجي )) ولكنه لن يستطيع الوصول حتى ولو جمرك كل الهدايا التي يحملها على الحدود.....واستطاع الدخول بعد سين وجيم (( وزوره وقورة )) من موظفي المطار أو غلاظة شوفير البولمان أو عنترة مفتش القطار السريع...لن يستطيع الوصول إلينا لا في الوقت المحدد ولا في الوقت الإضافي حتى... (( طيب حدا يسألني ليش...؟؟!!....)) أههه أنت عيني طيب اسمعني ليش...... ::::طريقك مسدودٌ.....مسدود:::: لأنه من المستحيل أن يركب عربته اللطيفة والتي يجرها غزال...(( لأنو مافي ثلج من جهة)) ومن جهة تانية طريق العباسيين محفر ومعفر بسبب التصليحات " ونأسف للإزعاج" وطريق المزة قاطعينوا لأنو جايينا ضيف من براة البلد ومن طريق المطار ييييييييي مو خرج بنوب ومن على البرامكة ما خرج (( حتى بعد نقل نص المكاري بالنص للسومرية)) لسه عجقة ومن على طريق شارع الثورة مو نصيحة بنوب ومن طريق حارات باب توما والقشلة (( مو مناسبة )) لأنو رح يختنق من ريحة الأراكيل وخناقات الشباب والصبايا على شي برتية شدة ومشاهد المراهقة البريئة والمتفشية .... ولا تقولولي عن طريق الغساني أو المالكي أو مشروع دمر لأنو التلطيش عن طريق التشفيط شغال (( وع أب موزة )) وطبعاً اذا فات بشارع بغداد... إن شاء الله بيوصل......أما اذا طلع على قدسيا أو جرمانا أو برزة حيفكر حاله مخربط ورايح على العراق بدل ما يروح على سورية.......!!! ::::شنططة:::: وإذا ما قرر ترك عربته ((وركوب وسيلة نقل)) فالأمور حتماً ستأخذ مسار الشنططة...فإذا قرر ركوب ميكرو (( دوار شمالي _ جادات سلمية _ مهاجرين باب توما.....الخ)) فهذا يعني بأن ينتظر شي ساعة دون أن يجد كرسي فاضي وإذا قرر الصعود على الواقف (( قرفصة)) فهذا يعني بأن يضع كيسه الأحمر تحته ويجلس عليه (( أحسن ما يطالبه السائق بأجار راكبين وحتى لو ع الواقف )) هذا كله غير النق والسق والأففة من الركاب وتسميع الحكي ((هففف...العمة....أي روح ركاب تكسي....معك كيس هالقد قده ومو سخيان تحط أجار تكسي)) وإذا قرر ركوب باص نقل داخلي ((تيتانك الدولة)) فلا بد من الركض خلف الباص شي كم كيلو متر (( حسب شحطة الشوفير الفحل..)) يضاف التعمشق والقفز والمطاحشة للوصول (( مو لكرسي )) لشي أرنة يحط أجريه فيها...وبوسط هـ العجقة كلها لازم يطاحش ليوصل لقطاعة الكروت المعطلة طبعاً وسيدخل المسكين كرت الباص مرتين وتلاتة وما رح يقطع الكرت معه....والناس من ورائه تسق وتنق وتشتم....وعندما يصعد المفتش ويسأل بابا نويل المسكين عن كرته لن يصدق قصة القطاعة المعطلة إلا بعد أخذ المخالفة طيب رح تقولوا ما ياخد هـ المسكين شي تكسي ويريح راسه هي بقا بحكيلكون ياها بعدين.. :::: يتبع :::: توقيع AnaS فارسٌ خرجَ من أمُةَ فخرجت بهِ.....فأعطاها فرُسانا التعديل الأخير تم بواسطة EagLe eyeS ; 10-12-2007 الساعة 08:17 PM. سبب آخر: خطأ املائي