10-02-2008, 02:00 AM
|
مشرف القسم العام
| |
|
| | | |
الدولة : سوريا - دمشق - مهاجرين
| | | | | | |
الدولة : سوريا - دمشق - مهاجرين
| | | | | | | | |
المؤهل الدراسي : ثانويه تجاريه |
الجوال : Imate PDA2k+Nokia 6230 | | |  معلوماتي ومن مواضيعي | | | | |
|
 
 | المنتدى :
بقعة ضوء  ما قلتلي شو رأيك بهاد الكلام ؟
 السلام عليكم ورحمة الله وبركاته
لا أعلم اين ابدأ والى اين سأنتهي بأطروحتي هذه
ولكني جل ما اعلمه اني سأتكلم عن مبدأ في الماضي رفع وكرهناه واليوم نرفعه بأيدينا ( فرق تسد )
يا جماعة الخير وبلهجه بسيطه وعاديه جدا ليش عم ننكش على بعض ولا نسينا قول الرسول صلى الله عليه وسلم ( انما المؤمنون اخوه )
طيب ما بدكون هيك الحكي يا سيدي ماشي حنجي على الموضوع من طرف تاني
هالشخص يلي نازل فيه تنتيف وتشقيف شو عمل ووين راح وليش وكيف
مو بني آدم ليش نازل فيه حكي وتشنيع وتبهير
بلاقي حالي بدون ما احكي شي عم بذكر قول الله تعالى ( ايحب احدكم أن يأكل لحم اخيه ميتا فكرهتموه )
يا عمي شيلك من خزعبلات زرعوها فينا قال شو بدهم ( نقد بناء )
النقد برأينا هو الفضايح والتشهير وزرع البغيضه بقلوب البشر على بعض ....... هيك صار
ما بدي كمان هيك !
خليني دور على واحد فينا من الوطن العربي بيقول أنا مصري مثلا وهو بكون سوري او سوري بقول انا مغربي او خليجي بقول انا صومالي ...... للاسف ما في
قوميات مختلفه لامه وحده وحضاره وحده ......... شاطر يقول انا عربي
هاد يلي بقلك اصلهم اقباط وهدول بقولوا اصلهم روماني وهدول بقولوا هاشميين وهدول بقولو شركس .... غريب مو كلهم عرب وبالغالبيه اسلام
لما قريت الخبر عن الملكه رانيا وحديثها انصعقت تقول بدهم كلمه يرغو فيها ولا لما شفت زيارة يهودي لبلد عربي تركو شتيمه ما نزلوها ......... يمكن معاهون حق بهي
بس ممكن طلب من مواطن عربي لمواطن عربي ؟
تركو السياسه لناسها وخلانها ودورو على الدين يلي عم يتحارب اليوم مو تحاربو بالرغي والحكي
وجهوا الناس علموهم حاربو الفساد بالفضيله حاربو السرقه بالكرم خلي العالم يعرف مين الصح ومين الغلط
نحن الشعب ولما بقول انا من الشعب ما بخالجني غير قول ( اذا الشعب اراد الحياة يوما فلا بد أن يستجيب القدر ) ........ مو ليكونو بدهم الحياة
يا جماعة الخير بصراحه احترت بعنوان الموضوع وما عرفت شو بدي اوصف فيه وبالاخير وصلت لخاطره شو بتقول ؟
دورها دور دور واعطيني شحطه
قبل ما تجي تجينا الشرطه
دورها علي ما بدي اصحه
هي حالنا وهي اخرتنا فلوين بدنا نوصل ... هيك احسن برأيك من الجريده للأخبار للإذاعه للخماره وعطيها سكره للصبح ............. ولا اضرب حالك وقول يا ويلي احتلونا
مهنن محتلين من زمان عقولنا وافكارنا لطالما عطينا عروبتنا ودينا حبة منوم طويلة الفعاليه ....... واه معتصماه
يا رب هذا حالنا لا يخفى عليك فصحح نهجنا ويسر امرنا وتوفنا مسلمين غير قانطين برحمتك راجين مغفرتك عاكفين لطاعتك مستنيرين بهديك وهدي نبيك قائمين بأمرك وحكمك ناهين عن معصيتك ناصحين لتوحيدك
انت الوهاب وانت الرزاق وانت الغفار وانت صاحب المن والاحسان فمن علينا برحمة من السماء واجعلها سقيا رحمه ولا تكن سقيا عذاب يا غفور يا حنان يا منان ثبت قلوبنا على الاسلام نرجوا عفوك والغفران
وتفضلوا بقبول فائق الاحترام والتقدير والســـــــــــــــــــــلام
|
|
|
أنت غير مسجل في منتديات لايف نت . للتسجيل الرجاء إضغط هنـا 
الإهداءات
رد: ما قلتلي شو رأيك بهاد الكلام ؟
العرض العادي
