السلام عليكم ورحمة الله وبركاته

بدات مايكروسوفت بتطوير الجيل الجديد من نظامها ووفرت اول نسخه تجريبيه منه لبعض عملائها
المقربين عشان يجربونه ويعطون رايهم فيه مبدائيا طبعا اطلق على النسخه بويندوز 7 نظرا
لان الكيرنل الخاصه بهالنظام بتكون الاصدار السابع

( الاسم فقط خلال تطوير النظام لكن الاسم النهائي للنظام الله واعلم زي مالفيستا كان اسمه لونق هورن)

وقت صدوره بشكل رسمي بتقولون طيب

متى بينزل اقولكم مافيه تاريخ محدد بس مايكروسوفت تقول انه على الاقل يبي له 3 سنوات؟
مايكروسوفت متحفظه حاليا وماعطت اي معلومات عنه ووش بيكون فيه اللهم انه فيه حركتين جديده بتغير مسار نظام ويندوز الاولى
وهي ان الكيرنل راح تكون صغيره جداا وحجمها بيكون فقط 25 ميغا وتستهلك من الرام حوالي 35 ميغا فقط ..
وحسب ماقرات ان مايكروسوفت تبي تفصخ الكيرنل نهائيا وماتعتمد على اي شي ثاني مثل ماهو موجود حاليا بالويندوز اكس بي وجزئيا بالفيستا والويندوز 2008
يعني الكيرنل بتكون Self-Contained Kernel
واي جزء من النظام بيتعامل مع الكيرنل راح يكون عن طريق فريم ورك معينه بحيث لو صار فيه فشل باحد الاجزاء يظل النظام يعمل
وهذا الشي بياثر ايجابيا على عمليه استقرار النظام الشي الثاني هو عمليه التوافقيه بالنظام بيستخدمون تقنيه Application Virtualization اي برنامج متطلبات تشغيله مثلا ويندوز اكس بي بس ماهو مخصص للويندوز 7 بامكانه يشتغل على الويندوز 7 في بيئه افتراضة

تحاكي نظام الويندوز اكس بي بعيداا عن قلب النظام نفسه وايضا هالشي راح ياثر ايجابيا على استقرار واداء النظام وعشان اقرب لكم الصوره
اكثر لو شغلت البرنامج القديم و تسبب بمشكله فماراح ياثر على النظام بشكل سلبي لانه يشتغل في بيئه افتراضيه مستقله بعيده عن قلب النظام نفسه وهو شي ممتاز وحل جيد لتجنب مشاكل توافق البرامج مع النظام

طبعا شكل النظام ماتغير كثير عن الفيستا بس فيه بعض التغيرات البسيطه لكن التغيرات اللي صارت بقلب النظام الله واعلم الى الان مافيه اي معلومه

مثل الويندوز فيستا اول مابداء تطويره كانت واجهته ويندوز اكس بي لكن شوفوا كيف تغير مع الوقت نفس الشي بيصير مع ويندوز 7 المهم ماطول عليكم واخليكم مع الصور و راح احدد التغيرات بمستطيل احمر عشان يسهل عليكم تمييز وش تغير عن الفيستا:


قائمه ابداء بتشوفون فيها برنامج قرائه ملفات XPS وهي احد صيغ حفظ ملفات الاوفيس 2007 بالاظافه الى ويندوز باور شل
اصبح بشكل افتراضي موجود في النظام بينما هو اختياري حاليا على الفيستا وبشكل افتراضي موجود على الويندوز 2008


كلك يمين على سطح المكتب وهو فاضي بتظهر لك القائمه بس فيها كم حاجه جديد وهي محدده باللون الاحمر

[عزيزي الزائر يتوجب عليك التسجيل للمشاهدة الرابطللتسجيل اضغط هنا]
لوحه التحكم وواضح التغير على القائمه اللي على اليسار اصبحت اصغر ولونها مختلف عن الحالي
بالفيستا بالاظافه الى فيه كم خيار جديد لوحه التحكم ومحددهم لكم باللون الاحمر

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

صوره لخصائص النظام في الويندوز 7 ولاحظوا انه مكتوب تحت الحماي
System and ********s وهذا يعني انه بامكانك استخدام خاصي
ه Windows System Restore
لحمايه ملفات النظام ومستنداتك الخاصه بدل ماهي مقتصره فقط حاليا على ملفات النظام
[عزيزي الزائر يتوجب عليك التسجيل للمشاهدة الرابطللتسجيل اضغط هنا]

نافذه التحكم بخاصيه Windows System Restore
اذا انت حاب انها تكون لملفات النظام وملفاتك او ملفات النظام بس او تعطلها
[عزيزي الزائر يتوجب عليك التسجيل للمشاهدة الرابطللتسجيل اضغط هنا]

تعديلات على كيفيه تعديل حجم الخط حق النظام وحجم الدسك توب اصبح بنافذه مستقله واسهل تعاملا من الموجود حاليا بالويندوز فيستا واكس بي
[عزيزي الزائر يتوجب عليك التسجيل للمشاهدة الرابطللتسجيل اضغط هنا]

اظافه جديده Windows Gagets غير الموجود حاليا بالفيستا اصبحت على شكل فولدر تتصفحه
ومن خلاله تقدر تشغل منهم اللي تبي او تحذفه ونلاحظ الاختصارات الجانبيه اللي توصلك لاكثر من مكان في النظام بشكل اسرع
[عزيزي الزائر يتوجب عليك التسجيل للمشاهدة الرابطللتسجيل اضغط هنا]

اظافه جديده الايقونات الصغيره اللي جنب الساعه حاليا اذا اصبحت ماتستخدم البرنامج تلقائيا الويندوز راح يخفي االايقونه بشكل افتراضي
بعد كم دقيقه مازال نفس الشي بويندوز 7 لكن بامكانك تعديل خصائص هالحركه لكن ماعندي تفاصيل عن الخيارات بالضبط للاسف
[عزيزي الزائر يتوجب عليك التسجيل للمشاهدة الرابطللتسجيل اضغط هنا]

وفي الختام هذا مقطع فيديو يوتيوب لويندوز 7 اخذته من الموقع thinknext.net وهو نفس الموقع اللي اخذت منه الصور


طبعا النظام مازال في مراحل تطويره الاولي وش بيصير وش بيتغير وش بيكون فيه وقت اصداره الله
واعلم لكن مثل مالاقلاع كان سباق في طرح مواضيع وتعريف الناس بالفيستا من ايام ماكان اسمه لونق هورن واعطائهم فكره عنه ..

نفس الشي ان شاءالله راح نتابع مراحل تطوير الويندوز 7 اول باول واي جديد ان شاءالله راح اكتب عنه مثل ماكتبت عن الفيستا سابقا
وعلى فكره خبر على الطاير ترى السرفس باك1 حقت الفيستا احسبوا الايام مابقى شي تم اصدارها بشكل رسمي داخل الشركه

لكن ومن المتوقع انها تصدر مع الويندوز 2008 بنص شهر فبراير تقريبا يعني اسبوعين بالكثير انشاءالله

وفي الختام احب اقولكم لاحد يتعب نفسه ويبحث عن النظام في التورنت والمواقع لانه غير متوفر وكل ماهو موجود الان بالتورنت هي نسخ فاضيه ماراح تشتغل معك خير شر

لحد الان هاذا ابرز ما اعرفه عن الويندوز.

. وهاذي بعض الصور جايبها لكم من اول اصدار للويندوز 7 حصلتها بالانترنت على موقع اليوتيب المشهوور

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

الله يخلي بريد حموودي ويحفظه له خخخخخخ

تحيااااااااااااااااااااتي