ما بدها كتير جراءه ... عادي يعني

~prisoner of moon~ · مشاركة رقم : 1 (permalink) 13-03-2008, 02:45 AM

هلق اكيد اي حدا بالكون بحكم تربايته او المجتمع الي حوليه بيصير عندوا تحفظات لتصرفات كتيره.......وهالتحفظات بتختلف من شخص لاخر
وسؤالي هون عن افعال او اقوال ما بتحب تعملها قدام اي حدا بشكل عام ,او تصرفات ما بتحب يشوفها عليك حدا معين بشكل خاص
وانا هون سؤالي عن تصرفات لاهيه حرام ولا هيه غلط بالمنطق ...اوكي
ويفضل انو تعطوا الاسباب, لحتى نحسن نتناقش

ورح بلش انا واعترف:
بشغلتين مو بوحده
انا مستحيل اكل التفاحه مثلا من دون سكينه قدام اي حدا. وبيزعجني كتير اكل المنجا وهي بالزات مستحيل* مستحيل مع اني بحبها
ومستحيل اني نضف سناني اي بمعنى (نكش) قدام اي حدا

وبعتقد السبب :اني لو شفت حدا عم يعمل هيك قدامي اكيد رح اقرف

A عود B الريحان A · مشاركة رقم : 2 (permalink) 16-03-2008, 12:26 PM

السلام عليكم ورحمة الله وبركاته

موضوعك لدرجة ما يرتبط مع مفاهيم اللباقة والاتكيت الرسمي ولا اعتقد بنظرة شخصيه ان الشخص في حياته العامة يجب ان يتجاهلها ولكن وريما مع حكم العاده والتأقلم مع بعض الاشخاص يصبح الامر موضوع اعتياد وراحه نفسيه
فالبعض ربما يلغي تلك التصرفات أمام الاخرين وبعطيها اريحيه أمام العائله الصغيره

ذلك لا يعني الغاء الحشمه والادب أمام الاخرين وانما مراعاة تواجدهم فلربما كان عندهم الانطباع نفسه ( كنهش ثمرة التفاح ، لعق الليمون ومزمزتها ، ..... )
كلها حالات ربما لا تجرح الحاله الخاصة وانما تؤذي الاخرين ومن هنا نجد أن الفكره تكمن في احترام الغير بتواجدهم معنا في أمور نعتبرها شخصيا تؤذينا

وارمي بحديثي في ما روي عن الرسول صلى الله عليه وسلم ( لا يؤمن أحدكم حتى يحب لأخيه ما يحب لنفسه )

ليس الامر اتباع خطوات الاتيكيت والرسميات امام الاخرين وانما مراعاة شعورهم لما يؤذيهم فلا تقليد أعمى للغرب وانما روابط اسلاميه فطرنا بها وتربينا على اصولها وقواعدها

الامر بالبدايه بسيط وغير معقد وانما مراميه بعيده ولا ننسى أننا مهما حاولنا لابد أن نخطـأ وليس عيبا أن نعلن خطأنا محاولين اجتنابه في مواقف متكررة والاعتذار عن ما يبدر

وتفضلوا بقبول فائق الاحترام والتقدير والســـــــــــــــــــــــــــــــــــــــلام

AnaS · مشاركة رقم : 3 (permalink) 28-03-2008, 02:25 PM

موضوع حلو جد

هلأ أنا بصراحة
بكره أطبخ قدام حدى....(( مع اني بحب أطبخ كتير بس بخاف اغلط قدام حدا من شان هيك بفضل كون لحالي ))

مستحيل أدرس ومعي حدا بالغرفة

ومستحيل كون عند حدا ع العشاء وأكل اسباغيتي

Brian · مشاركة رقم : 4 (permalink) 03-04-2008, 11:41 AM

هلا انا برايي انو التصرفات الي بكره ساويا قدام غيري بكره ساويها لوحدي
طبع مو اكتر ومشكورة عالموضوع الحلو......

الفراشة · مشاركة رقم : 5 (permalink) 06-04-2008, 11:45 AM

مشكورة للموضوع
أنا بكره كتيرررررررررر من التصرفات يلي بيتصرفها حدا أدامي
وبحاول غير المكان مباشرة ( والله ما بقدر أئعد ولا دقيقة)
متل أكل الجزر أو البزر ......الخ
من شان هيك ما بتصرف بأي تصرف يزعج غيري
تقبلي تحياتي .....

Pure Soul · مشاركة رقم : 6 (permalink) 07-04-2008, 08:39 PM

اممممممم تصرفات

يمكن فيها انو اكتر الشي بطريقة الأكل

يعني ما بحب أكل او شوف حدا عم يأكل و يطلع صوت بطق كتير و بنزعج من هل الصوت

بس للأسف في ناس كتير هيك

أو أكل معكرونة من النوع الطويلة قدام حدا

و في انواع من الشوربة ما بحب أشربها قدام حدا

شكرا ع الموضوع

الجوهرة · مشاركة رقم : 7 (permalink) 09-04-2008, 10:31 PM

انا برايي ان اللي ما عندة ثقة بنفسة بتصرف كذا يعني لا بيباكل لا مكرونة ولا منجا

اش دخل اكل الواحد من احترام الغير؟؟؟

لهالدرجة طريقة اكلكم كالاطفال؟؟؟؟؟؟؟؟؟؟؟؟؟

سلامتكم

~prisoner of moon~ · مشاركة رقم : 8 (permalink) 10-04-2008, 09:51 PM

حاسه انو الاغلب متفقين مع بعضهن بكتير قصص......
بس شو رايكن ناخد تصرفات بتحتمل النقاش ويابتقنعوني يابقنعكن........
مثلا في عالم بترفض الاكل وهنن عم يمشوا بالطريق حتى لو كان شي بسيط........
شو رايكن .........انا بحس انو عادي........
وما بعرف مين اقنعنا انو ما بيصير.....او عيب........؟

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الإعلانات النصية في شبكة لايف نت المتكاملة :
http://vb.lifenet-sy.com	www.lifenet-sy.net	www.lifenet-sy.org	منتديات لك	www.lifenetextra.com	لايف نت جروب
LifeNet English	منتديات	كلمات دليلية	اعلن هنا	منتديات العمدة	تصميم ثيمات
Blog	خريطة لايف نت	الحلم العربي	كمبيوتر	أعلن هنا	أعلن هنا

الإهداءات
إضافة إهداء

ما بدها كتير جراءه ... عادي يعني

النقاش الجاد