دارميات

البدر · مشاركة رقم : 1 (permalink) 14-03-2008, 04:35 PM

ما مر عليك اهواي ........ يا درب انشدك
ادري انته شاهد حك ........والصدك عندك

تنشدني عن اهواك .........هو انه اعرفه
هوايه التمر حلوين............زفه اعله زفه

يا درب وصف اهواي.......كمره ابوسط ليل
والجسم غصن البان.........وي الهوه ايميل

مر بي وصف اهواك.......بس خلهه سكته
ايد الحضنهه ابشوك.......مو ايدك انته

البدر · مشاركة رقم : 2 (permalink) 16-03-2008, 12:02 PM

تتــصور علـيـك ازعل؟ واسد باب الكـلب وارحل؟ .. تتـصور تجيني بحب واكولك روح مااقبل؟ .. انت بكل ميانه مرخص على الروح تجرحها وترد عليها تتدلل .. انا معود عليك ســنيـن تتـطعني و اطيح اكـبالك اتــوسل .. هذا انـت عزيز شلون متصير وعذب حتى المرار البيك ماينمل ..اعـذرك وانا اعرف انت غلطان واغض عيني واكول الكـلب يتحمل

هاجر السالم · مشاركة رقم : 3 (permalink) 16-03-2008, 07:23 PM

كون الدمع ينشال وبعيني اخليك
كل ما احن وشتاگ ابجي واحاجيك

كون انگلب طلقات وادخل ابگلبك
واكتب على الشريان دمرني حبك

البدر · مشاركة رقم : 4 (permalink) 17-03-2008, 10:57 AM

كون الگلب صمون يدخل فرنكم
وكلما تلوحه النار يصرخ احبكم

لا تظن يوم انساك يوم من الايام
مو باللحم دگيت اسمك عالعظام

مشكوره على المرور الرائع

هاجر السالم · مشاركة رقم : 5 (permalink) 18-03-2008, 08:20 PM

نار فراكم بالقلب ماجن
وعليكم زين عندي عقل ماجن
رسايلكم عجب لليوم ماجن
السبب شنهو گطعتوهن عليا؟

البدر · مشاركة رقم : 6 (permalink) 19-03-2008, 10:54 AM

تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه

هاجر السالم · مشاركة رقم : 7 (permalink) 20-03-2008, 05:50 PM

يدنيا إشمال دولابج يناحي
ومن الصوبين كسرتي جناحي
أنا الكنت أمر وناهي
صرت شبوط والفالات بيه

البدر · مشاركة رقم : 8 (permalink) 22-03-2008, 06:35 PM

همت وانسلب عكلي وزاد مرضاي
على المر ماشفت شخصة مر ضاي
لون بات الترف بحشاي مرضاي
لكه اكرب يهل مبعد علية

بسك لا تضل تشكي بهاماك
وتلوم العين وتعضعض بهاماك
اخذ طبع النخل وارفع بهاماك
واذا بالطين عركك هاي هية

هاجر السالم · مشاركة رقم : 9 (permalink) 22-03-2008, 06:37 PM

تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه

تلوعنة وشفنه كل حلاوتهم ومرهم
والروح تمشي على طوعهم وأمرهم
حبيبي دوه لجروحي ومرهم
تمنيته يجي ويحن عليه

A عود B الريحان A · مشاركة رقم : 10 (permalink) 22-03-2008, 08:55 PM

السلام عليكم ورحمة الله وبركاته

البدر :
كلامك بالقول والوصف بديع
وردك كلو وقع وتعبيرك مطيع

تدخل على معقلي وتطرب مجمع وسيع
يا ريتني اقرب من همسك واكسر حاجز منيع

هاجر السلام :
ما شاء الله على ردك ومحياك
درر وجواهر تنقال في عقباك

ما اريد التف واحكي بنجواك
بس اني حبيت اروح مع معبر هواك

وتفضلوا بقبول فائق الاحترام والتقدير والســـــــــــــــــــــــــــــلام

البدر · مشاركة رقم : 11 (permalink) 23-03-2008, 10:55 AM

وحكَ اللي خلكَ نفس من ابيها

اظل للموت عشرتكم أبيها

أبالك علاسرار تبوح بيها

لغير اهل الاسرار اتظل خفيّه

شكرآ على المرور الرائع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الإعلانات النصية في شبكة لايف نت المتكاملة :
http://vb.lifenet-sy.com	www.lifenet-sy.net	www.lifenet-sy.org	منتديات لك	www.lifenetextra.com	لايف نت جروب
LifeNet English	منتديات	كلمات دليلية	اعلن هنا	منتديات العمدة	تصميم ثيمات
Blog	خريطة لايف نت	الحلم العربي	كمبيوتر	أعلن هنا	أعلن هنا

الإهداءات
إضافة إهداء

دارميات

الشعر و الخواطر