غير مسجل تعال شوف هالمحشش

الملاك البرئ · مشاركة رقم : 1 (permalink) 22-04-2008, 05:44 AM

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
.
.

بيشوف الواحد بهالدنيا أشكال وألوان بس حدا منكم شاف أو سمع هيك محشش؟؟؟

موظف للتعداد السكاني شاف مححشش قاعد قدام بيتو فقلو : انته من
أهل البيت ؟ قلو : لأ أنا من كفار قريش

محشش سال صاحبو المحشش الثاني : شو اخبار أبوك ؟؟ بعدين تذكر
انو أبوه ميت فكمل بسرعة: لساتو بنفس المقبرة؟

مرة واحد حشاش راح لعند بياع غاز و قلو بدي قنينة غاز قلو
البياع روح جبلي الفاضية وتعا قام قلو الحشاش لأ معلشي بشربا عندك .

محشش سأل محشش: برأيك عيد الفطربوافق يوم الخميس. فرد عليه: إذا
ضغطنا عليه أكيد بوافق .

مرة واحد محشش فتح الثلاجة لقى صحن الجيلية عم يرج قلو لا تخاف
جاية أشرب مي ....

محشش وقفه شرطي قاله ليش مانك رابط الحزام قللو :اصلا البنطلون ما
لابسو ..!

واحد حشاش سأل شيخ : قلو صحيح الصلاة ما بتصير من دون وضوء ، قلو
الشيخ طبعاً ما بتصير.. قام قلو الحشاش : وشو رأيك باللي جربها وظبطت

مرة و احد محشش اتصل على بيت ناس ردوا عليه فسأل: هون بيت عبد
العزيز؟ قالولو لأ, قلون طيب ليش رديتوا؟

في واحد حشاش عم بيسوق تكسي سأله شرطي : وين وراقك قلو:شو حشيش ما
حشيش

اثنين من الحشاشين خطر ببال الأول يقول حكمة فقال:قلي من
تعاشرأقل لك من انت فقال الثاني:من تعاشر رد الاول:من انت؟

واحد حشاش عم يسوق سيارة تكسي ,وقفتوا بنت قام سألها لوين رايحة
قالتلو عالجامعة قلها روحي بس ما تتأخري .

واحد حشاش عم يسوق سيارة تكسي, واحد رجال قلو: تاكسي؟؟ قام المحشش
قلو: إي تكسي. و كمل طريقو ..

محشش اتصل على مكتب طيران منشان يحجز فسألتو الموظفة: ذهاب وإياب؟
قلها: لأ, خروج المغلوب

واحد عم يسأل محشش: هالشارع لوين بيروح؟ قال المحشش: والله من
وقت ما عرفتو ما تحرك .

اثنين محششين وقفهون الشرطي و سألون: ليش انتو الاتنين عيونكون
حمرا ؟ قالولو نحنا ولاد عم

محشش طلبت المحكمة منه إثبات ملكية
البيت راح جاب صورتو هو و واقف
قدام الباب

محشش قاعد بالقهوة قلو للجرسون: هاتلي واحد قهوة وسط و اتنين هجوم

أربعة محششين راكبين سيارة وقفوا و نزلوا, بعدين رجعوا طلعوا
بالسيارة وتلخبطوا بالقعدة وركب اللي كان عم يسوق ورا قام قال: يا
شباب بلا هالحركات اللي أخذ الدركسيون يرجعو ...

واحد محشش رجع عالبيت وش الصبح فتحتلوا مرتو الباب قام اختلط عليه
الأمر قام قلها: ولي مرة وين كنتي لهلأ..؟

واحد محشش دخل عالدكانة و قلو للزلمة عندك مارلبورو؟ قلو لأ, راح
دخل عالدكان اللي بجنبو و قلو: و إنته؟

واحد محشش راح عالمختبر قلون:
هلأ إنتو كيف بتحللو البول و بتحرموا البيرة؟

واحد محشش سأل بياع الخضرة
عندك فاصولية خضرا قلو لأ, قلو
المحشش طيب شو في عندك ألوان؟

واحد محشش دخل عالمحل قلو للزلمة عندك تلفزيونات ملونة قلو إي,
قلو طيب اعطيني واحد أزرق ..

واحد محشش عم يقلو لرفيقو عيني حمرة شو بسوي؟ قلو بس تصير خضرا
امشي ..

واحد محشش عم يقلو لرفيقو و الله حاسس بالي مشغول, قلو رفيقو
بتكون رافع السماعة ..

حشاش عم يقلو لصاحبو: حلمت امبارح إنو نحنا الاتنين صرنا فنانين,
أنا فنان تشكيلي و إنته فنان اشكيلك ..

خمس أخوة عم يحششوا كبستون المكافحة, الضابط سأل الأول شو اسمك
قلو: اسمي سمير, سألو للتاني شو اسمك قلو: اسمي سمير , قلون الضابط
كيف انتو اخوة و اتنيناتكون اسمكون سمير قام رد عليه الأول:
نحنة خمس أخوة بالبيت كلياتنا اسمنا سمير ما عدا أخونا الصغير سليم اسمو
محمود..

تحياتي والسلام
أخوكم الملاك..

smok200 · مشاركة رقم : 2 (permalink) 22-04-2008, 07:18 AM

هههههههههههههه

اما شو محشش مو بالعئل

هههههههههه

الملاك البرئ · مشاركة رقم : 3 (permalink) 22-04-2008, 02:31 PM

ههههههههههه
اي الحمصي ما عمل عملته
نورت حبيبي smok
تحياتي

طائر الأماني · مشاركة رقم : 4 (permalink) 22-04-2008, 07:31 PM

هههههههههههههههههههههههههههههههه

ههههههههههههههههههههههههه

كل وحدة ألذ من التانية

مشكور

rema1 · مشاركة رقم : 5 (permalink) 22-04-2008, 10:46 PM

ههههههههههههه
شو حلوين هانكت
احلى شي انو طلعلو فايدة للمحشش واخيرا
بضحك الناس
يسلمون الملاك

HEV14 · مشاركة رقم : 6 (permalink) 23-04-2008, 02:21 AM

بيجننوااااااااااا
يسلموااااا ملااااااك

أبو عبدو · مشاركة رقم : 7 (permalink) 23-04-2008, 10:21 AM

هههههههههههههههههههههههه

اب ات جخ قه ىر نتريس تقت خب
.
.
.
.
.

مافي شي محشش بدو يرد على موضوع

مشكور والله يعطيك الف عافية

ريماس الغلا · مشاركة رقم : 8 (permalink) 23-04-2008, 09:58 PM

هههههههههههههههههههههههه

وربي موتتني من الضحك ..

كل وحده احلى من التانيه ..

يسلموو ملوووووووووك ..