في حلقة غريبة لفضيلة الشيخ "حازم شومان" تناول فيها هوان الدين وهوان نبينا محمد علينا إثر سبه من الملاعين , وأقول غريبة بسبب المشاعر المتناقضة التي انتابتني وأنا أشاهد الحلقة ففي نفس الوقت الذي يبكي فيه قلبي على حالي وحال الأمة أجد نفسي أضحك من مطالعة ما وصلت إليه الأمة من هيافه وقلة مروءة ظاهرة.

وكيف لا يسبونا ويسبوا ديننا ونبينا وفينا من :

1.لبس لبس نبينا بلحيته وسمته وعمل فيلم وقال ده الإرهابي (عليه من الله ما يستحق).

2.أطفالنا شوهت أفكارهم ورغباتهم , يحكي الشيخ أن والد خارج من المسجد مع إبنه ويقول له " إدعي يا حبيبي النهارده الجمعه" يقول له إبنه " يا رب اتحول" , طبعا ً نفسه يتحول لوحش أو بوكيمون زي الكرتون.

3.زمان يحكي انه بعث بجاسوس إلى الأندلس للإستطلاع فوجد الجاسوس شاب يبكي فسأله قال له الشاب"أصلي كنت بجيب الرمايه من أول سهم , دلوقت لا أستطيع من أول سهم". فرجع إليهم الجاسوس مرتعدا ً قائلا ً لا يمكن هزيمتهم الأن. وبعد فترة من التخطيط الإبليسي للشباب بعثوا نفس الجاسوس بعد سنين فوجد شاب آخر يبكي فسأله فقال "أصل العود بتاعي إنكسر ومش عارف هغني إزاي دلوقت" فرجع الجاسوس لقومه وقال أهجمو الآن لقد وقعوا. والحال الآن أنك لا تجد الشاب حزين على حال الأمة وإنما همه أن " الجل خلص مني ومش عارف هخرج إزاي" , وليست العبرة في الجل فالرسول نصحنا بالإهتمام بشعورنا وبمظهرنا , وإنما أقصد لأي مدى وصلت الهيافة والهموم.

4.تري الشاب أو الرجل الآن يقود السيارة ومكتوب عليها من الخلف "حبيبي يا رسول الله" وهو مشعل سيجارة ويستمع لما حرمه الله ويؤذي من يمر بجواره بهذه الأغاني البذيئة.





·يا ترى يا إخواني هنقوله إيه عند الحوض , هنقوله إنشغلنا عن دينك بإيه يا رسول الله:

"معلش يا رسول الله أصلي كنت متابع (الدورة الإفريقية) ياااااااه دي كانت جامده أوي وخدناها الحمد لله , ومعلش بعد الدورة كان فيه تصفيات (ستار أكاديمي) أصلي كنت ورا أخويا المصري بنصره بالرسايل معلش بعد كده كان فيه (الدوري العام) ده الأهلى كان ناااااااااااار بعد كده يا رسول الله لقيت امتحانات آخر السنه في وشي أعمل ايه بس , بعد الامتحانات لقيت الصيف والأجازه والمصايف تجنن تهبل مقدرش أقف قصادها وبعد كده لقيت الدراسه بدأت تاني. معلش يا رسول الله أصلي مكنتش فاضي والله سامحني المره دي.



يا جماعه بلاش نخون الله ورسوله , والرسول مش محتاج نصرنا فقد نصره الله من قبل ولكن دي فرصتنا لتقديم ولائنا لله في وقت المحن ونفرح ربنا ورسولنا بينا بعد النكسه , واقترح الشيخ التالي:



1.أنا فين من السنه وتطبيقها , لازم أعيد تطبيق سنة الله في من جديد.

2.مقاطعة الكلاب الدنماركيين ومنتجاتهم نهائيا ً.

3.الدعوة إلى الله.

4.اللي مش عارف يعمل حاجه يعيط ويبكي حتى زي الشاب الأندلسي.



معلش لو كنت أطلت عليكم شويه وأنصحكم بالإستماع للمحاضرة ونشرها , وهي على هذا الرابط: