لحام حارتنا نظيف شريف وزلمة بخاف الله بيفتح الصبح بكير أول كلمة هي

يا فتاح ياعليم يا رزاق يا كريم بيجي وجايب معو الغنمات راسين أو تلاتة

بيبلش الدبح علما انو الدبح بالمحل ممنوع لازم يجي اللحم من مسلخ الحكومة

ممنوع الدبح مشان النظافة

والمناظر المقرفة ولاروائح الكرهة

ما علينا الله يرزق العباد

لحام حارتنا زباينوا كلها خوجات ومعها سيارات ما بتصف إلا بنص الطريق

مشان ما ينزعجوا الجيران إذا حدا بدو يفوت على حارتنا ما في مجال سيارات زباين صاحبنا واقفين بنص

حارتنا ومسكرين الطريق وإذا زمرت وبدك تمر الله يعينك بيطلع صاحبنا وبيصرخ شو صرلك

ما عاد فيك تستنى ربع ساعة زمان

ساعتها اجباري بدك تعذرو زلمة بخاف الله يعني مو حلوة تتخانق انت واياه شنو كل فرض صلاة بتجتمع

انت وهو بالجامع وإذا كنت ساكن بنفس بناية لحام حارتنا وختنئت من ريحة الدخنة وريحة الزفر

وبيتك تعبى دبان وبرغش ونزلت لعندو يا جار هاد الحكي ما بيصير تعا شوف البيت شو صار فيه

بما انو زلمة بخاف الله وكل فرض بالجامع وكل سنة بالحج بيجاوبك أخي هي الشرطة والبلدية روح اشتكي

إذا رحت اشتكيت بتكون انت ما بتخاف الله وكافر لانو صاحبنا هو الي بيطعمي الفقراء والمساكين

هدول المساكين الشرطة الي بالمخفر يوم الي بدك تشتكي عليه اكيد هو بدو يكون مسؤول عن اطعامهن

فما راح تستفاد شي وإذا رحت على البلدية حتى تشتكي بروح شرطي البلدية لعندو انت بتفكر بدو يخالفو

هو بكون عم يعطيه انذار علما انو صار اخد شي الف انذار من البلدية ماعلينا بيجي شرطي البلدية

وبئلو يا ابو فلان انت ركب مدخنة ولا تدبح ادام المحل ولا تخلي الزباين يصفو السيارات بنص الطريق

ومو ضروري انت وشغيلتك تلطشوا الرايحة ولاجاية مو حلوة مشان الجيران اكيد جواب صاحبنا ماشي

بتوجه شرطي البلدية الك وبئلك سمعت اخي اتكل على الله انت

وقت بدو يمشي شرطي البلدية بناديلوصاحبنا وقف ابو فلان هدول للصغار هون اثبت صاحبنا انو بيطعم

الفقراء بما انو شرطي البلدية فقير ومعتر

انت بدك تلوم حالك انك اشتكيت على جارك

اللي بيخاف الله وبيطعم الفقراء والمساكين

وكمان بدك تتاكد انو لا حياة لمن تنادي




وهي قصة لحام حارتنا