بيفهم في الطب و يشخص المرض
ويوصفلك الدوا وبيفهم في النقاش
والكهرباء و تصليح السيارات
والطبخ والسياسة والطابة
وهو أبيض يا ورد
بيحط الريموت كونترول في كيس
نايلون حتى مايتغبر
يقف يتكلم على الباب نص ساعة
بعد انتهاء الزيارة والسلام
في خزانة المطبخ عنده عشرين
قطرميز مربى فاضي منشان اذا
احتاج يستخدمها ومازال مصر
على جمع المزيد
بيجي بعدالموعد بساعتين دون
أن يعتذر
يتكلم بصوت عالي في المكالمة
الدولية منشان التاني يسمعه
بيعتبر حاله أفضل واحد في
الشراء والمفاصلة ثم يكتشف إن
الشي في المحل اللي جنبه أرخص
من غير مفاصلة
من هواة متابعة الأفلام الأجنبية
بس ما بيعرف اسم ولا واحد من
أبطال الفيلم
بيحتفظ بأكياس محلات اللبس
والأحذية وورق الهدايا تحت
الفرشة لسنوات
عنده صينية مكسرات مقسمة
لتلات أو أربع أقسام منشان
المزاج لكن لا يستخدمها
بيشتري قبل الإفطار في رمضان
مواد استهلاكية متوفرة عنده في
البيت
وهو عم بيتغدا بيفكر شو بدو يطبخ
بكرا أو بعد بكرا
وكاسة الشاي فرض بعد كل وجبة
بيشتري الخضرة من سوق الخضر
لأنها أرخص من بضاعة الخضري
اللي جنب بيته بليرتين
عنده منقل شوي للرحلات
يستخدمه مرة واحدة في العيد
بيشتري قد ما بدك مغشوشة
ومدلوقة ووربات وكنافة وقطايف
وهريسة
وعش البلبل وبرازق وغريبة بس
ما تقله يشتري كتاب
بشيل طابع البريد من على
الظرف لو الختم ما كان عليه
بيحتفظ بجميع الجرايد لمسح
البلور
أو مدهاعالطاولة وقت الأكل
بيفكر إن أي حدا بيشتغل في
الخليج بيغرف مصاري من غير
حساب وأغنى واحد في الدنيا
بيكون مشغول بقيمة البخشيش
طول العشا... يا ترى 5 ليرات ولا
10؟
بيتخانق ساعة دفع الحساب
بحرارة على إنه هو اللي
لازم يدفع
وما بينسى ياخد معه علبة
المحارم وقنينة الماء قبل مغادرة
المطعم
بيفرش شرشف التخت على طقم
الكنب منشان الكنب ما يتوسخ
ولما يجوا الضيوف يترك
الشرشف وما بقيمه
من الضروري يختم مشوار
التسوق تبعه بكاسة بوظة من عند
بكداش
بالحميدية
أو كاسة كوكتيل بالصالحية
أو كيس ترمس بشارع الحمرا
اذا ركب تكسي طول الطريق بيطلع
عالعداد
وبالميكرو دائما مطالع راسه من
الشباك
وما بينسى يقول للشفير عاليمين
يا معلم قبل عشر دقايق
نظرا لدقة الشفير في الالتزام
بالمكان والزمان
بيركض خلف المواصلات ليل
نهار
وأحيانا بيضطر يدفع روحة رجعة
منشان يحجز مكان
وين ما رحت وترحل الابتسامة لا
تغادر وجهه بالسراء والضراء
ولكن لماذا يا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
دائما يعيش ضمن الحلم ولا يقبل
بأن يخرج مما يحلم
ينظر إلى جميييييع أفراد العالم -
عدا أبناء بلده- بعين الاحترام
انه اكثر واحد عنده كرامة في
العرب
صح ولا غلط ؟
أنت غير مسجل في منتديات لايف نت . للتسجيل الرجاء إضغط هنـا 
الإهداءات
مواصفات المواطن السوري ( للكبار و أقوياء القلوب فقط )
رد: مواصفات المواطن السوري ( للكبار و أقوياء القلوب فقط )
