شو رح تاكل اليوم...

AnaS · مشاركة رقم : 1 (permalink) 31-08-2008, 09:27 PM

عائلة لايف نت الكرام...

كل عام وانتم بخير بمناسبة بدء شهر رمضان المبارك

وبما انو بكرت اول يوم رمضان هاتوا احكولنا شو رح تتسحروا.......
و شو رح تفطروا.......

وانشاء الله الف صحة

يلا سلامات....

H_CAGE · مشاركة رقم : 2 (permalink) 31-08-2008, 11:31 PM

بالنسبة الي للسحور جبت علبة نستلة + علبة شوكولا ماكس . و الفطور ان شالله فول الاكلة الشامية الاولى + كبة ( هيك وصينا ) ان شالله ماما الله يخليلياها بتزبطها .. تحياتي

HEV14 · مشاركة رقم : 3 (permalink) 01-09-2008, 12:06 AM

أنا رح اتسحر جبنة وشاي بس
أما الفطور ....
مممممم
مابعرف لهلأ شو الطبخة
يسلموااا أنس

و تم التثبيت من قبلي

MooN · مشاركة رقم : 4 (permalink) 01-09-2008, 10:50 AM

ألف صحة وعافية هاني وهيفو
مممممممممممممم
أنا والله مالي نفس أكل شي
يسلمن أنوس
ســـــــــــــــــــــلامات

ابو المجد الدمشقي · مشاركة رقم : 5 (permalink) 01-09-2008, 03:13 PM

ان شاء الله صحة وهناء على قلوبكم
السحور اهم شي لانو متل اللي عم يعبي بنزين ويتوكل على الله يبدا مشواره يعني اهم شي الدسم والسعرات الحرارية العالية
الفطور مو مشكلة لانو في محطات كتيرة لحتى يعبي الواحد مع كل مسلسل او بين الاشواط غير الحلا والنقراشات
انوس شفت شباب كتير من المنتدى لسه ما شفتك وين بتكون اليوم المساء

طائر الأماني · مشاركة رقم : 6 (permalink) 01-09-2008, 03:35 PM

ططر برك

رز بفول

تسقية

برك

وبس

ABO OMAR · مشاركة رقم : 7 (permalink) 01-09-2008, 04:05 PM

و الله انا بالنسبة ألي رح اطرأ اليوم فيليه سمك بالإضافة إلى بعض البطاطا المقلية و طبعا اساسيات الفطور الشامي ( فول + تسقية+ مخلالات بجميع أنواعها) اما السحور كان لذيذ و خفيف جبنة و معكرونة و شاي

AnaS · مشاركة رقم : 8 (permalink) 01-09-2008, 09:44 PM

انشاء الله ألف صحة للكل....

AnaS · مشاركة رقم : 9 (permalink) 01-09-2008, 09:47 PM

والله انا درويش...
تسحرت سندويشة لبنة مع خيارة
و3 تمرات ضيافة من الشيخ

أما الفطور فهلأ خلصت...
يا سيدي
فول بزيت...فتة مكدوس...باسمشكات...برك بجبنة...شوربة..(( بالاضافة للمخللات...))
((والعرق سوس والتمر هندي والعصير.......))