بسرعة يا غير مسجل شغلة غريبة

مرحبا للكل
اليوم صارت شغلة غريبة كتير بالبناية يلي ساكنة فيها
والساعة 2 بعد الظهر ... ( يعني بوضح النهار )
وضاجوا كل الجيران من هالشغلة
جارنا عمرو 35 سنة واختو عايشة معو بالبيت
تزوج من 7 شهور واختو يلي خطبتلو وساعدتو
مادياً لحتى يتزوج هالبنت ويجيبها على هالبيت
وهالبيت ارث للكل
المهم ياجماعة اليوم هالجار ئلع اختو من البيت مشان مرتو

يا شباب وصبايا ........
شو ماكانت الأسباب وشو ماكان صاير
في أخ عندو نخوة بيئلع أختو من البيت ؟؟؟
ياصبايا لو كنتوا محل هالبنت شو بتعملوا ؟؟؟؟
ياجماعة معئول الجيران عندهون نخوة أكتر من هالأخ ؟؟؟

منقول من بنايتنا

الله يجرينا يا هيف دنيا اخر وئت و لسى الجاية اعظم .... ولا حول ولا قوة إلا بالله على هال الشي ...... تحياتي

يا لطيف ..

اجارنا الله ..

يعني لا أعرف ماذا أجيب .. لأن ما نشاهده في حياتنا يعقد اللسان من الدهشة ..

نحن في شهر فضيل .. وتلك الأخت لها فضل على أخيها ..

فما المبرر الذي من الممكن أن يسوقه هذا العاق .. "وأقول عاق لأن البيت ميراث الجميع"



لا يوجد أخ عنده نخوة يطرد اخته مهما كانت الأسباب ..

اللهم لا تبتلينا ببلاءٍ لا نقدر عليه ..

ولكِ الود اخيتي ..

يا باطل عليه
انشا اله يتهدى الامور
شكرا هيفا

لا حول ولا قوة الا بالله
الله يجيرنا ومتل ما حكى اخي عبادة هذا انسان ما عنده نخوة ولا كرامة
واذا هو ما اعطى تقدير لفعل اختو ربنا بقدرها وبكون معها لأنه الله ما بنسى حد وخاصة المظلوم
يسلمو هيف ويعطيكي الف عافية

فعلا نحنا عم نعيش آخر زمن

وهاد عن جد مافيه لا ضمير ولا نخوة ولا أحساس

الله يكون بعونها

تحياتي ألك hev14

والله شغلة كتير غريبة يا هيف .. بدي رأي غير مسجل بالموضوع .. تحياتي

هيفو هاد موضوع كتير مهم وحساس

يعني كل يوم مستحيل ما نسمع هيك قصص

بس شو رأيك باللي بيقلع أمو مو أختو

هدول مين بدو يحاسبهون ..... يعني معقول الناس تتدخل

معقول ما تم في رحمة بالناس لتعمل هيك بأعز الناس لألها

الله يجيرنا من الأعظم

بجد شي بيوجع الراس

يالطيف بس الأخ مدير الموقع طلب رأي أنا عادة ً مابحب أعطي رأي بهيك مواضيع بس تكرم عيونه أول شي بحب قوله أنه هذا الإنسان مريض نفسياً وبحب قول لجارته والي عاشت هالمشهد الأليم عرضوه على دكتور وأنا متأكدة من أنه مريض لأن هيك مواضيع مالهاأي علاقة بالنخوة لو أنه إنسان طبيعي ماكان قلع أخته يعني رمى عرضه وشرفه بالشارع أكييييييييييييد مريض ولا تعتبو عليه لاء دعوله الله يهديه ويهدي مرته معه لأن المرأة ألهادور كبير بالتأثير على الرجل الله يهديه ولكم الشكر

زمن العجايب كل شي بصير فيه

وربنا يهدي كل واحد متله
لان الواحد اذا مااله خير في اهله مااله خير في مرته

شكرا لك على الموضوع