ابو المجد الدمشقي شو رأيك ؟

لو تسائلت بس هالمهنة بأي بلد

لأنوبتفرق كتير

بشكل عام اخي بي ام..

وشكراً ع التفاعل يبدو موضوع رااااااااائع

المهم....

شو رأيك بالمدخنين...وهل للتدخين علاقة بشخصية المدخن

موضوع المندوب كتير بيختلف من بلد لبلد تاني

هلئ بالخليج مثلاً موضوع المندوب انو وضعو احسن

من سوريا

وبغير بلاد ممكن يكون احسن

بس بشكل عام معقول نسبياً بس يكون عن دراسة وإختصاص......


تحيتي أنس

-1- شو رأيك بمندوبي المبيعات...او العمل كمندوب مبيعات ؟؟؟
بشكل عام الشغل مو عيب بس بحس أنو هاي شغلة المندوبين كأنو شحاد مثقف
وأنا إذا برأيي أنو أشتغل شوفير مكرو عالدوار الشمالي وأكتب عالمكرو هريانة ومزيونة ولا جديدة ومديونة أشرف من شغلة المندوب
الله لا يقدر علينا نشتغل هيك شغلة


شو رأيك بالمدخنين...وهل للتدخين علاقة بشخصية المدخن


أنا بصراحة من جهة ما جربت الدخان بكون عم كذب إذا ئلتلك بحياتي ما دئتها بس يعني هيك للتسلاية وطيش شباب
بس ماكتير بحب اتعامل مع المدخنين وخاصة يلي بدخنو دخان وطني ريحتو ايييييععععععععععع
أكيد للتدخين علاقة بشخصية اللي عم يدخن
مثلا يلي بدخن غليون هاد ملياردير
يلي بدخن مالبورو لايت هاد من حديثي النعمة
اللي بدخن مالبورو عادي هاد ابن عز من يوم يومو
اللي بدخن وينستون سيلفر هاد من طلاب البكالوريا
اللي بدخن وينستون عادي هاد شب أو صبية في المراهقة
اللي بدخن حمرا طويلة هاد شرطي مرور او شوفير مكرو او أستاذ بمدرسة حكومية او معقب معاملات
اللي بدخن الشرق والشام و.....هاد الله يعينوا يكمل معاشو لآخر الشهر

شو رأيك بالمدخنين...وهل للتدخين علاقة بشخصية المدخن


بصراحة أنا كتير بكره المدخنيين وبدايق من ريحتو

بس بشعر انو المدخن بيتفشش بالدخان

يعني بدل مايتفشش بمرتو يتفشش بالدخان احسن

سؤال

برايك هل الحجاب يحد من حرية الفتاة المراهقة ؟؟

تحياتي

برايك هل الحجاب يحد من حرية الفتاة المراهقة ؟؟
من السذاجة الإعتقاد السائد بأن الحجاب يحد من حرية الفتاة ( المراهقة وغير المراهقة)
بل هو لحمايتها
وربها اللي خلقها فرضوا عليها بئا ليش ترد عالبشر
برأيك البكالوريا الهدف منها المعلومات ولا العلامات

وفق المناهج السورية المحشية حشي الهدف منها العلامات قبل المعلومات
لأنو علماتك عم تحدد مستقبلك مو معلوماتك...

س. مو التطور والتقدم ((ع الأساس)) تطورت الموبايلات وتعددت الرنات والأغاني ع الموبايل شو رأيك برنة الموبايل والها علاقة بشخصية حامل الجوال..

وانت يا غير مسجل شو رنة موبايلك

اكيد بيكون الها دور بتحديد شخصية الشخص لأنها بتحدد ازا انه رومنسي او شغل اكشن او بيميل للغرب ووو الخ

انا كل اسبوع برنه مختلفة ومن جميع الانواع بس بالوقت الحالي معتمد نغمة حبك ليا لنانسي

---

انتو شو رأيكم منيح انه الواحد يدرس ويشتغل !!

تحيتي

بالنسبة لي عندي جهازين طبعاً كمان خطيين
خط العمل نوكيا طبعاً رنتو رنة النوكيا الأساسية

والخط التاني سامسونغ وبصراحه رنتو أغنية

فضل وإفترقنا..

بالنسبة للسؤال بتصور جاوبت عنو

بمعنى انو في العمل مو حلو يرن جهازك

بشي اغنية أو ما شابه..

بالنسبة لسؤال اسير اكيد إذا امكن بشرط عدم التعارض

انا وبعد تجربتي بالحياة العملية .

هو أن العمل يّثقل شخصيتك

وينميها ويكملها...


سؤالي :هو ظاهرة الشباب المايع بنسبه لا بأس بها

وهل وقتنا له تأثير ام ماذا..؟؟

مشكورين..

الفكرة انو كل عضو يدخل يطرح موضوع في كلمة شو رأيك ويلي بعدو برد


وهيك منعرف كل عضو كيف بفكر وشو المواضيع يلي شاغلتو