اي يا شباب وصبايا هي القصة صارت معي مو مع حدا غريب وقلنا يا ولد عادي روتين بلدك وتعودنا عليه ........... لناخد رأيكن شي عادي ؟؟؟

ال بكالوريا وخلصنا وفرحتنا ما منعطيا لحدا شو صرنا جامعة ورحنا لنسجل بالمفاضلة ومتل ما بتعرفوا كلكن التسجيل كان يدوي هلاء طورونا وصار اتمتة ال مشان يخففوا الزحمة ورحنا لنسجل ، وبعد ما دخنا السبع دوخات لنعرف العلمي وين بيسجلو طلع التسجيل بمبنى الصيدلة بالطابق الخامس ومافي لاشرطي يدلنا ولا لوحات مرورية ولا شي عم يشتغلو على مبدا الك لسان اذا ما بتضيع ورحنا لنسجل بعد ما وقفنا عالدور واستنينا شي 3 ساعات اجا دورنا لأنو جهاز كمبيوتر واحد يلي شغال بس وباقي الاجهزة مو شغالة لانو الموظفين مو فاضيين الله يعطين العافية , مو فاضيين لكن عم يطبئو بنات ,بتعرفو البنات رايحين ومو عرفانين الله وين حاطن والشب الموظف حاسس بهالشي وعامل بابا نويل لاء عامل هيئة الاغاتثة الوطنية (بس للصبايا الشباب هونيك )وكل ما تروح لهونيك بتلاقي نفس العبارة المهم طلع في غلط بالشهادة وال لازم نروح لوزارة التعليم العالي لنصلح الغلط , قلنا معليش بيعين الله هلاء بالوزارة بيصلحونا الغلط بسرعة وبيقولولنا الله معكن ,ورحنا عالوزارة وكل ما نسأل وين مشكلتنا بيقولولنا فوق ونحنا نطلع لفوق اخر شي وصلنا عالاسطوح (اسطوح الوزارة )هههههههه
شو بدكن بالحكي والله المنظر من اسطوح الوزارة كتير حلوووووووووووووووو ,ورجعنا كل ما نسأل حدا شي بيقول ما بعرف والتاني بيقول مو عندي والتالت مو هون , اذا انتو الموظفين مو عرفانين وين انا المواطن بدي اعرف ,المهم بعد ما عيطنا شوي وطلع صوتنا لقينا الفرج موظفة مسكينة عم تطق حنك عالتلفون سألناها وين ال عند سكرتيرة مساعد الوزير وطرنا لهونيك بس كنا نلاقي هالمكتب ؟؟ والله مكتب الوزير لقيناه ومكتب المساعد ما كنا نلاقيه ورغم انو عنا لسان , المهم وصلنا وقدمنا الورقة للسكرتيرة وبلشت عياط :لسا كل واحد بيلحشكن لعندي شو ما في غيري موظفة هون شو انا عم ساوي هون , المهم شلفتنا على غير مكتب وهي تقول بالطابق الرابع ونروح لهونيك يقولو لاء رجاع لعند يلي هلاء كنت عندا , نرد نرجع تقول لاء عفوا بالخامس وهيك ,حبيت دلل حالي شوي واطلع بهدا الاختراع يلي بيسموه مصعد ,وكل ما اجي بدي اركب بواحد يطلعلي واحد حامل سيجارة حمرا طويلة وواقف بالمصعد من جوايقول هدا المصعد محجوز للوزير ,نروح عالتاني محجوز لمساعد الوزير والتالت لفلان والرابع لعلتان وهيك اخر شي حسيت انو كل موظف الو مصعد خاص فيه وضلينا على هالحالة شي 3 ايام لدرجة انو حفظت اكتر الموظفين هونيك لاء وفي منن صارو صحابي نقعد ونشرب شاي وقهوة وهيك اخرشي طلع حل مشكلتنا ورقة صغيرة من موظفة فتت لعندا عالمكتب شي 4 مرات وهيي تقلي مو عندي ,فتأمل يا رعاك الله
مشان الله مو مسخرة والله عيب والله عيب ومسخرة اذا هي وزارة وهيك لكن مو عتب عالدوائر الحكومية
الله لا يدوق هالماراتون لحدا وتحياتي

ذاك عوضا ان تتشكروا القائمين على الموضوع فقد قاموا بخدمة الريجيم القاسي الذي لا يمكن أن تفكر بجديه لتطبيقه اوليس تلك ايجابيه تذكر غير ذلك الم تكسب صداقات ومعارف وخبره في معاملات الدوله التي ستواجهك في المستقبل لتقوم بها بنقلات وسرعه اكبر بعد أن درست التعقيدات الحاصله بين بيرقراطية المكاتب الحكوميه